Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

        Имрӯз дар назди бинои МТМУ рақами 52- и Ҷамоати деҳоти Даштигуло чорабинии фарҳангию фароғатии "Шукуҳи Истиқлол" доир гардид. Воқеан ҳам, баргузории чунин маҳфилу чорабиниҳои фарҳангӣ ба қалби ҳар як сокини шарафманди диёр бедор намудани шуълаи ваҳдату якдилӣ, оромиву осоиштагӣ ва ҳамбастагию иттифоқиро бедор месозад. Мавриди зикр аст, ки сокинон бо шукургузорӣ аз ин неъмати бебаҳо дар маҳфилу идҳо, тантанву ҷашнҳо бо чеҳраи кушоду дили беғам ширкат варзида, рақсу шодӣ ва суруду таронаҳои дилошӯб месароянд.

Дар ин чорабинӣ муовини раиси ноҳия Д.Муҳуддинзода, мудири бахши дин, танзими анъана ва ҷашну маросими МИҲД-и ноҳия Назаров Ш, сармуҳаррири рӯзномаи норҳиявӣ Ҷ.Қувватзода, Менеҷери КАТС-и ноҳия М.Муллоев, мудири бахши кор бо ҷавонон ва варзиши ноҳия Саидов Ш., мудири бахши кор бо занон ва оилаи МИҲД-и ноҳия Маҷидзода Ф ва и.в мудири шуъбаи маорифи ноҳия Ҳайдарзода Г., иштирок ва аз дастранҷи густурдаи аҳли заҳмати ҷамоат дидан карданд.

Бояд гуфт, ки дар чорабинии мазкур дастовардҳои Ҷамоат, расму оин, ҳунарҳои мардумӣ ба маърази тамошо гузошта шуда, анвои хӯрокҳои миллӣ ки муарифгари таъриху тамаддун ва фарҳанги пурғановати аҷдодони мо мебошад пешниҳоди меҳмонон гардонида шуд.

Зимни суханронии худ муовини раиси ноҳия Д.Муҳуддинзода зикр доштанд, ки шаҳди истиқлолу пояндагӣ, ваҳдату якдилӣ маҳз дар баргузор намудани чунин чорабиниҳои фарҳангиву таъмин намудани фароғати сокинон маҳсуб меёбад. Пойдории истиқлолияти комили кишвар ва ваҳдату ягонагӣ метавонад дар пешрафту тараққиёт ва рушди зиндагии мо сокинон саҳми бориз гузорад.

Ҳунармандони бахши фарҳанги ноҳия бошад баҳри истироҳату фароғати сокинон суруду таронаҳои дилошӯби ватандустӣ омода намуда, маҳфили фарҳангиро басо хотирмону дилнишин баргузор намуданд.

Ҷовид Қувватзода