Имрӯз дар толори консертии Филармонияи мардумии ба номи Одина Ҳошим даври ноҳиявии Фестивал- Озмуни ҷумҳуриявии телевизонии эҷодиёти халқ “Андалеб -2023” баргузор гардид.
Нахуст , дар роҳрави Филармония намоиши ҳунарҳои бадеии халқии “Бозори ҳунар”-доир гардид, ки он ба аъзои ҳакамон мақбул гардид.
Баъдан , барномаи ҳунарии ҳунармандони ноҳия манзури тамошобинону ҳакамон гардонида шуд.
Қобили қайд аст, ки ҳамаи номераҳои омоданамудаи ҳунармандони Филармонияи мардумӣ- суруди ҳамсароён ( аккапела) “Чархофалак” ( яккахон Бадалшоҳи Юсуфӣ), навозиши умумӣ “ Сайри гулзор” ( оҳанги А. Раҳимов), навозиши якка” “Садои дил” ( иҷрокунанда Юсуфов Ёқуб”), суруди якка “ меҳри Ватан” ( иҷрокунанда Шуҳрат Қурбонов), суруди анъанавӣ “ Фалак” ( иҷрокунанда Хусрав Ҳабибов), рақси якка “Чевари гулдӯз” ( дар иҷрои Моҳлиқоби Акбарзода ), бадеҳаи “Ватан обод кунем” ( шеъри Ислом Юсуфӣ, иҷрокунандагон Ҷумъахони Сафарзод ва Комила Фақирова), порча аз анъанаҳои мардумӣ “Ордбезон” ( гуруҳи ҳунармандон), саҳнаи ҳаҷвӣ “Облава”, намоиши сару либосҳои миллӣ, сюитаи вокалӣ- хореографии
“ Маъвои армон” басо ҳунармандона иҷро гардида, писанди ҳамагон гардиданд.
Дар ҷамъбаст, ба маҳоратӣ волои аҳли ҳунари Филармонияи мардумӣ аъзои ҳакамон аз ш.Кӯлоб 117,5 холро муносиб донистанд.