Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

      Дар  Паёми имсолаашон  Пешвои миллат муҳтарам Эмомалӣ Раҳмон   иброз доштанд, ки  «Ман борҳо  таъкид  кардаам  ва имрўз бори дигар  бо ифтихор  иброз медорам, ки ҷавонони  мо дорои   ҳисси баланди  миллӣ ва  эҳсоси  гарми  ватандўстиву  ватанпарварӣ  буда, дар мубориза  бо ҳама гуна  хавфу хатарҳое, ки зидди  давлату   миллатанд, омода мебошанд   ва манфиатҳои  миллиро аз ҳар манфиати дигар  боло медонанд.

    Мо бо ҷавонони  бонангу номуси   худ ифтихор  мекунем  ва барои ҳалли  масъалаҳои  онҳо  минбаъд  низ тамоми   тадбирҳоро амалӣ  мегардонем. Итминони комил дорем, ки ҷавонони мо дар  дигаргунсозиҳои  ҷомеаи навин боз ҳам   фаъолона иштирок карда, дар муаррифии  давлати  миллӣ, ҳифзи  арзишҳои   Истиқлолият  ва рушди Тоҷикистони азиз  беш аз пеш саҳм  мегузоранд».

     Барои иҷрои   дастуру  ҳидоятҳои  Пешвои муаззами  миллат  ҷавонони мо бояд  ҳисси баланди худшиносиву худогоҳӣ  дошта бошанд.  Худшиносӣ  қутбнамоест, ки  ҷавононро  ба сўи   асолати  милливу ҳувияти  ватандорӣ  роҳнамоӣ карда,  бароямон  роҳи душвори  пешрафти  оянда,  кору  пайкори  навбатии  давлатсозиву  давлатдорӣ, ва ҷомеаи  мутамаддинро  осоишта  мегардонад.

Худшиносӣ  насли  наврасу ҷавононро  дар руҳияи  ватандўстиву  ифтихори  миллӣ, садоқат бо анъана  ва суннатҳои  аҷдодӣ, арҷ гузоштан  ба арзишҳои   таърихиву  фарҳангии ниёгон  ва дастовардҳои  умумибашарӣ  ҳидоят  мекунад.

      Ба  ҳар  фарди худогоҳ  ва бонангу  номуси миллат зарур аст, ки ба қадри соҳибистиқлолӣ  ва соҳибихтиёрӣ, сулҳу субот ва оромии ҷомеа расида,  онҳоро  чун неъмати бебаҳо   қадршиносӣ намуда,  зиракии  сиёсиро  аз даст надиҳанд  ва ҳамеша барои ҳифзи   манфиатҳои   миллӣ  азму талош  намоянд.

      Мо ҷавонон  танҳо  бо дили гарм, меҳнати ҳалолу бунёдкорона  ва саъю талошҳои пайгирона  метавонем ҳамаи мушкилоти  мавҷударо бартараф созем, рўзгорамонро  босаодат намоем.

Ҷавонони бонангу номуси  кишвар  сиёсати бунёдкоронаю  созандаи давлату Ҳукумати   мамлакатро  минбаъд  низ  дастгирӣ  намуда,  дар ободу шукуфо намудани   сарзамини аҷдодӣ  саҳми муносиби  худро мегузоранд.

      Ҷавонони далери  мамлакат  дар  сафҳои  Қувваҳои  Мусаллаҳи  Ҷумҳурии  Тоҷикистон содиқона хизмат карда, қарзи фарзандии хешро содиқона иҷро   мекунанд  ва зарур ояд, баҳри ҳифзи Ватани  азиз  ҷон нисор мекунанд.

                                                                                          Шамсиддин  Сайидзода,

                                                                                 сармутахассиси  шуъбаи кор бо

                                                                                            ҷавонон ва варзиши ноҳия