Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

      Дар ноҳия  рўз то рўз ҷамъоварии “тиллои  сафед”  вусъати тоза меёбад. Дар пахтазорҳои  хоҷагиҳои деҳқонӣ рўзе  2700-2800 чинакчӣ  ба пахтачинӣ машғул буда ,  чобукдастони   пешқадам  то 85-90 килоӣ пахта мечинанд. Рўзи  гузашта дар ноҳия  дар як  рўз ба қадри  123,94 тонна, ё ба андозаи  0,9 садяк, аз аввали  мавсим 4338,5 тонна тонна пахта ҷамъоварӣ  шудааст, ки  баробари  31,6 фоизи дурнамо мебошад, ки ин  вобаста ба имкониятҳои мавҷуда кам аст.  Кишоварзони х/д ҷамоатҳои деҳоти Қаҳрамон, Даштигуло  ва ба номи  Турдиев  суръати    пахтачиниро суст карда, дирўз ба қадри 0,3-0,7 фоизӣ пахта ҷамъоварӣ  намуданд, ки ташвишовар  аст. Рўзи гузашта пахтакорони ҷ-д Панҷоб аз ҳама хуб меҳнат карда, ба андозаи 2,7 фоиз пахта чиданд.