Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

          Тибқи реҷаи тасдиқшуда, имруз аз тарафи  раиси ноҳия муҳтарам Бозоралӣ Одиназода зиёда  аз  18 нафар  шаҳрвандон қабул ва  арзи  онҳо  шунида  шуд. Шаҳрвандон  оид ба масъалаҳо ва  мушкилоти ҷойи доштаи худ, ки ҷудо намудани  замини  назди ҳавлигӣ, ташкили хочагии деҳқонӣ, таъмин  бо ҷойи  зист, рушди соҳибкорӣ, кумакҳои  моддию  молиявӣ ва дигар  масъалаҳо  буданд, муроҷиат намуданд. Дар рафти қабули арзи  шаҳрвандон, роҳбарони сохторҳои масъул ва  шахсони  мутасаддӣ низ иштирок ва муваззаф гардиданд. Бояд қайд  намуд, ки мушкилот ва муроҷиати зиёде  аз  шаҳрвандон  аз тарафи  роҳбарияти  ноҳия  ҳалли  худро  ёфта, ҷиҳати  баррасии масъалаҳои  дигар ба  масъулин  дастуру  супоришҳо  дода  шуд.