Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

          Дар  толори  Мақомоти   иҷроияи   ҳокимияти  давлатии  ноҳия   маҷлиси  назоратии  назди  раиси  ноҳия   баргузор  гардида, дар он   масъалаҳои   муҳим мавриди  баррасӣ    қарор гирифтанд. Сари  вақт  ҷамъоварии  маблағҳои  андоз  барои   моҳи  феврал  аз  муҳимтарин  масъалаҳои   ҷамъомад  буд  ва раиси   ноҳия   муҳтарам  Бозоралӣ    Одиназода   ба  масъулини   соҳа   таъкид  карданд,  ки  масъалаи  мазкур  дар  сари  вақт   амалӣ  карда  шавад. Ҷиҳати  сари  вақт  иҷро  намудани   дигар  корҳо -   омода  намудани  заминҳо  ба кишти  пахта, вусъат  додани   кишти  зироатҳо  ( картошкаю  пиёз),  ба  роҳ  мондани  кори  озуқадиҳӣ  дар  заминҳои   ғалладона;  баргузории  азназаргузаронии   техникаи  кишоварзӣ;  ба  тасвиб  расонидани  Амри  раиси  ноҳия   ҷиҳати  ба кор  даровардани   коргоҳу  корхонаҳои  аз  фаъолият  бозмонда  ва пайваст  накардани  қувваи  барқ  ба  корхонаҳои  санади   қабул  ва қайди  оморию  андозӣ   надошта;  таҳия  ва пешниҳоди  нақшаи  бунёди   корхонаҳои саноатӣ  бахшида  ба солҳои  2022- 2026 «Солҳои  рушди  саноат»,  бастани  шартномаҳо  бо  корхонаҳои  саноатӣ  ҷиҳати  ба  роҳ  мондани   истеҳсоли  маҳсулот  на кам аз  120 фоиз;  баргузории  рўзи  санитарӣ  дар бозори  марказӣ;   таҳлилу  пешниҳоди   маълумот  дар  бораи   дастгирии  омўзгорону  табибони  ҷавони  ноҳия   роҳбари   ноҳия  Бозоралӣ  Одиназода  ба шахсони   мутасаддӣ  баҳри  иҷроиши  корҳо  дастуру  супоришњои   мушаххас  доданд.

      Доири  масъалаҳои   ташкили  кор дар  асоси  Амри  Президенти Ҷумҳурии Тоҷикистон  дар бораи озмунҳои   ҷумҳуриявии  « Тоҷикистон- Ватани азизи  ман»,   «Илм - фурўғи  маърифат», « Фурўғи  субҳи  доноӣ  китоб  аст», баргузор  намудани вохўриву чорабиниҳои  ҳарбию  ватандўстӣ  бахшида ба Рўзи   Артиши  миллӣ;  доир  намудани  вохўриҳо  бо падару  модарони  ҷавонони  синни  даъватӣ дар ҳамаи деҳу  маҳаллаҳои  Ҷамоатҳои  шаҳраку  деҳот;  назорати ҷиддӣ  ба рафти  курсҳои  омўзиши   ронандагӣ  барои ҷавонони  синни даъвати  ташкилгардида  ҳам,  раиси  ноҳия   њамаи  шахсони  масъулро  вазифадор  намуданд, ки  дар ин  самтҳо  корро  пурзўр  намуда,  тадбирҳои  зарурӣ  андешанд. 

Маркази  матбуоти  раиси ноҳия