Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

         Маҷлиси   сайёри  назоратии  назди   раиси  ноҳия   рўзи  26 июл  дар  толори    маҷлисгоҳи    таълимгоҳи   № 8, ҷамоати   “Меҳнатобод”   бо  иштироки  муовинони раиси  ноҳия,  мудирони  шуъбаҳои   Дастгоҳи  раиси  ноҳия,    роҳбарони  ташкилоту   муассисаҳо,  раисони  ҷамоатҳо    ва  фаъолони   ҷамоати   “Меҳнатобод”  доир  гардид.  Дар  маҷлис    як  зумра  масъалаҳои   ҳалталаби  рўз  мавриди  баррасӣ  қарор  гирифтанд.  

       Сараввал  раиси  ноҳия  муҳтарам    Бозоралӣ    Одиназода   аз  шахсони    масъул   ҷиҳати  ҷамъоварии   маблағҳои  андоз    барои  моҳи  июл   ва  иҷрои  нақшаи   он  пурсон  шуда,  баҳри  иҷроиши  он    тавсияҳои  судманд  дод.

        Рафти  коркарди    байни  қаторҳои   пахта  (култиватсия, ғизодиҳӣ,  обмонӣ ,    коркарди  химиявӣ);   фаъолияти   гуруҳҳои  корӣ  оиди  санҷиши    нашъунамои  ниҳолҳои  пахта    дар  хоҷагиҳои  деҳқонӣ;   дар  бораи  иҷрои  нақшаи    кишти  такрории   зироатҳо  аз  рўйи   Дурнамои  тасдиқгардида    аз  масъалаҳои   умдаи  рўз   буданд,  ки   роҳбари   ноҳия    аз  масъулин  пурсиш  ба  амал  оварда,   барои  пешрафти  корҳо   ба  мутасадиён    дастуру  маслиҳатҳои  муфид  доданд.

   Ҳамчунин,  раиси  ноҳия  таъкид  намуданд,  ки   доири    пешниҳоди  маълумотҳои   оморӣ   оид  ба   ҷамъбасти   соҳаҳои   саноат   ва  кишоварзӣ   дар  ҳафтмоҳаи   соли  ҷорӣ  назоратро  ҷиддӣ  намоянд.

         Дар  боби   рафти   иҷрои   нақшаи   чорабиниҳо   оид ба  омодагӣ   ба  сафари  кории  Президенти   Ҷумҳурии   Тоҷикистон   ба  ноҳия,  пешниҳоди   маълумоти   ҳамарўза  оид   ба  иҷрои   корҳо   ҳар  ҳафта  рўзи   ҷумъа   раиси  ноҳия  ба  роҳбарони  гуруҳҳои  корӣ  ва  раисони   ҷамоатҳо  супоришҳои  қатъи  доданд.

        Доири  масъалаҳои   пешниҳоди   маълумот  оид  ба  натиҷаи   фаъолияти  гуруҳҳои   корӣ   дар  ҷамоати  деҳоти  “Меҳнатобод” дар  доираи  корҳои  ободонӣ  ба  истиқболи  Ҷашни  30- солагии   Истиқлолияти  Ҷ. Т;   идома  додани   фаъолияти   гуруҳҳои  корӣ дар  ҷ/д   “Қаҳрамон”  аз  рўйи  нақшаи   чорабиниҳо  бахшида   ба  30-  солагии   Истиқлолияти  давлатии   ҶТ;  пурра  омода  намудани  иншоотҳои  ҷашнӣ, ки  дар  моҳи  июл  мавриди  истифода     қарор  мегиранд;  андешидани  чораҳои   қатъӣ    ҷиҳати  сари  вақт   пурра  гардонидани  курсҳои  омўзиши   ронандагӣ  аз  ҳисоби   ҷавонони    синни   даъватӣ    тибқи  нақшаи    муайяншуда;  иҷрои  нқшаи  обуна  ба  рўзномаи  ноҳиявии “Зафар”   ва  ҳафтаномаи   “Минбари  халќ”  раиси  ноҳия  аз  ҳамаи    роҳбарону    раисону  шахсони   масъул    пурсон  шуда,    таъкид  намуданд, ки   ҷиҳати  иҷроиши  корҳо   аз  ҳар  як  дақиқа   самарабахш  истифода  бурда  шавад.

      Раиси   ноҳия   ба  муовинони   раиси  ноҳия,  дигар  шахсони    масъул  супоришҳои  сахт  доданд,   ки  ҳама  бояд   ба  нишасти    матбуотии   рўзҳои  наздик    доиршаванда    ҳаматарафа   омода  бошанд.           

Маркази матбуоти раиси ноҳия