Мақомоти иҷроияи ҳокимияти давлатии ноҳияи Мир Сайид Алии Ҳамадонӣ

         Рўзи  душанбеи   панҷуми  июл  ҷамъомади   навбатии   назоратии  назди  раис  баргузор  гардид  ва  дар  он  як  зумра  масъалаҳои  ҳалталаби  рўз  мавриди  баррасӣ   қарор  гирифтанд. 

       Раиси  ноҳия  муҳтарам    Бозоралӣ   Одиназода  сараввал  доири  масъалаи  муҳими  рўз-  назорати  ҷиддӣ  ба  паҳншавии  бемории   коронавирус –COVID-19  ва  ба  роҳ  мондани  корҳои  безараргардони  ибрози  назар  намуда,  аз  масъулини   соҳа  ҷиҳати  пешгирии  паҳншавии  бемории  коронавирус    вазъи  ҳол  пурсид  ва  сахт  таъкид  намуд , ки  масъулин   ҳамаи  имкониятҳои   мавҷударо  истифода  бурда,  ба  паҳншавии  он  роҳ  надиҳанд.

         Ҳамчунин,  таъкид   гардид,  ки   дар  ҷойҳои  ҷамъиятӣ    корҳои  безараргардонӣ  гузаронида  шуда,   қойдаҳои  беҳдоштию    поккорӣ   анҷом  дода  шаванд.   Ҳамзамон  раиси  ноҳия   барқарор  намудани    баргузории  шўрои  тиббӣ   дар  соҳаи  тандурустиро   хеле   зарур  шуморид.

         Дар  масъалаи   пешниҳоди   нақшаи  ҷамъоварии   маблағҳои  андоз  барои  моҳи  июл  ва  андешидани    чораҳои   муҳим   ҷиҳати   иҷроиши    саривақтии  он   раиси  ноҳия   ба  масъулони  соҳа  дастуру  супоришҳо  дод.

        Оиди  масъалаҳои   дигари  ҷамъомад-  назорати  ҷиддӣ    ба  рафти   коркарди   байни  қаторҳои  пахта,   култиватсия,  ғизодиҳӣ,  обмонӣ,  коркарди  химиявӣ;  андешидани   чораҳо   ҷиҳати  пурра  тоза   кардани  заминҳо   аз  коҳ  ва  захираи  он;  назорати   ҷиддӣ   ба  рафти  кишти  такрории   зироатҳо  аз  рўи  нақшаи   тасдиқгардида;  пешниҳоди  маълумот   дар  бораи   захираи  гандум   раиси  ноҳия   аз  нафарони  соҳа   вазъи  ҳол  пурсида,  барои  пешрафти   кори  соҳа   супоришҳои   мушаххас   дод.

        Ҷиҳати  омодагӣ   ба  сафари    кории  Сарвазири    мамлакат   ба  ноҳия   раиси  ноҳия   ба  масъулини    вобастагардида   супориш  доданд,  ки  дар  ин  самт  ҳисси  масъулиятшиносӣ  нишон  диҳанд. 

        Раиси  ноҳия  ба  шахсони  масъул    супориш  доданд,  ки   рўйхати  иншоотҳои   ҷашнии  дар  моҳи  июл  мавриди   истифода  қарор  мегирифтагиро   пешниҳод  намоянд.

        Доири  иҷрои  нақшаи  чорабиниҳо  оид  ба  сафари  кории  Президенти  ҶТ  ба  ноҳия   ва  пешниҳоди  маълумоти  ҳамаррўза    оиди  иҷрои  корҳо  ба  роҳбарони  гуруҳҳои    корӣ,  раисони  ҷамоатҳо  супориши  дар  корӣ   доданд.

        Дар  бораи  масъалаҳои  дигари  ҷамъомад  пешниҳоди  шеърҳо  ва  интихоби  духтарон  барои  қабули  меҳмонони  сатҳи  Олӣ;   омода  намудани  музей-осорхонаи  устод  Одина  Ҳошим ;  назорати  мошинҳои  боркаш   барои  андозсупори;  пешниҳоди  маълумот  дар бораи  будубоши  хонандагони   муассисаҳои  таълимӣ  дар  басти  якуми   истироҳатгоҳҳои   тобистонаи    назди   мактабҳо;   андешидани  чораҳои  қатъӣ   ҷиҳати  сари  вақт  пурра   гардонидани   курсҳои  омўзиши    касби  ронандагӣ   аз  ҳисоби  ҷавонони   синни  даъватӣ   тибқи  нақшаи   муайяншуда  раиси   ноҳия  аз  шахсони   масъул  пурсиш  ба  амал  оварда,  барои  амалӣ   гардидани    корҳои  ба  миён  гузошташуда   ба  шахсони  масъулу   мутассадӣ   дастуру   супоришҳои   даркорӣ  доданд.   

Маркази матбуоти раиси ноҳия